Peter 的話...

Office 喺觀塘嘅呢兩年間，面對離別、轉變、同成長，我有時都會質疑，到底係為咩？最後令我搵番方向嘅，係對香港嘅愛同自豪。喺依個時代，愛香港必然係苦戀，為之自豪亦係近乎荒謬。但無論時代再壞，亦只係掩蓋咗香港人的勇氣、智慧同善良。作為心理學專業人士，我可以勾勒香港人嘅精神面貌，使之成為我們嘅精神力量，即係我們所講嘅 Building Resilience for the Times。
曾經講過為香港出力係正確嘅事，所以我會一直堅持下去。
兩年別過，蹤使人面全非，但我仍相信在絕地亦能共建光輝，
希望你亦抱著同一信念。

在此謝過每一位樹洞香港嘅同事、朋友以及支持過我們嘅人。
今次嘅 Move in Party cum 4th Anniversary Celebration 以Resilience for the Times 作主題，我地除左邀請有同樹洞合作過嘅朋友之外，都希望你可以黎一同見證。
寄願長夜再深，初衷尤在。共勉之。