冥想小貼士

冥想小貼士一我冥想得夠唔夠好?

11 9 月, 2018 in 靜觀

Peter Chan

相信唔少人啱啱接觸靜觀冥想(僅指 Mindfulness Meditation,下文亦同)都會懷疑自己做冥想得好唔好。「我清空唔到自己嘅腦袋!」、「我進入唔到果個狀態!」係好多初學者嘅心聲,但事實上,之所以會出理現依啲諗法,或多或少同社會對冥想嘅誤解有關。

要破除依啲誤解,首先要知道「冥想」嘅目的係咩。做冥想,係為左培育一種活在當下、覺察心靈而不加批判嘅狀態。其中一個重點,就係如實地留意自己心靈。如果係覺察到自己嘅心好多雜念,集中唔到-咁依份覺察已經係冥想最關鍵嘅一部份。

咁樣睇,又有何「清空腦袋」或者「進入狀態」嘅需要呢?事實上,每個人做冥想都會有好唔同嘅體驗:有人會覺得好寧靜;有人會留意到自己嘅思緒一刻都停唔到落嚟。但無論你係邊種,都係對心靈嘅體會,無所謂優劣之分。

當然,就算你知道左原理,你可能下次做冥想分咗心都會照常怪責自己,因為人嘅思維模式係日積月累而成嘅,未必一時三刻可以改變到。所以,下次不妨連怪責自己依樣野本身都覺察一下 - 因為意識到自己會怪責自己都係屬於洞察心靈嘅一種。咁樣做,久而久之正念嘅種子就會喺心中萌芽 - 自責、分心依啲情況依然會出現,但係佢地對我地嘅羈絆會愈嚟愈少。

在時代活好。我們為有所追尋的你設立 MindForest 社群,助你鞏固自身、刺激思考、遇強愈強。

{"email":"Email address invalid","url":"Website address invalid","required":"Required field missing"}